新泰東南亞餐廳 (太子集團中心) (已結業)

今晚同朋友一齊食泰國菜，環境非常寬闊，透過玻璃睇到尖沙咀既街景。一開始我地叫左牛油雞翼(一定要食)雞翼炸得外脆內軟，外面層皮好脆，好香牛油味，咬落啲肉汁出哂黎，底下仲有好多炒香左既蒜頭。泰式生蝦仲係依度既招牌菜，放係碟冰上面，非常新鮮。個醬一定要點，辣度十足，酸酸地，非常開胃。泰式蝦金邊粉份量非常多，足夠兩人分享，金邊粉加花生炒得香，入面有蝦，芽菜，仲有啲汁同蛋。飲品方面我叫左芒果冰，好清甜，非常解渴。