影片
更多
2011-09-29
75 浏览
誤打誤撞search OpenRice揀到間好有水準嘅韓國菜館。 雖然去過韓國兩次; 不過都唔知哩餐算唔算係正宗韓國料理!! 總之美味就正唔正宗都無所謂啦!!同E朋友一起入內, 剛剛個侍應講緊電話; 我聽到佢回應對方: 「1 – 4 位係不設訂枱, 要先到先入座。」 好彩我哋係8個人, 先有得訂枱!!一眼關七, 下層有五桌6人枱, 我哋坐果張都係响兩邊 “主席位” 加位先可以坐到8個人; 樓上果層就唔知嘜樣。 總之環境清潔簡單, 上樓上果段樓梯俾我感覺好似七八十年代D懷舊餐廳Feel!!下單後兩set八小碟就同步送上枱, 分別有泡菜、芽菜、菠菜、炸菜、豆腐、魚乾、涼拌粉絲及雜菜沙律; 除咗魚乾一致認為太鹹之外, 其他都各有所愛, 而且 “八彩繽紛” 的顔色可以令人食慾大增!! R朋友在此時才到, 唔係佢遲到; 只是今晚異常地每個人都早到, 所以有好多時間分析個菜單。特烤肉: $450咁貴, 問完D侍應可推斷係燒烤雜錦盤; 有牛肉、雞肉、豬扒、魷魚及蝦。完全唔似一般韓國食店的醃制方法, 一味鹹或濃味而將食物的原味蓋過; 只係唔新鮮的食物才需要咁醃制。所以老土D講句牛有牛味、豬有豬味,
同E朋友一起入內, 剛剛個侍應講緊電話; 我聽到佢回應對方: 「1 – 4 位係不設訂枱, 要先到先入座。」 好彩我哋係8個人, 先有得訂枱!!
一眼關七, 下層有五桌6人枱, 我哋坐果張都係响兩邊 “主席位” 加位先可以坐到8個人; 樓上果層就唔知嘜樣。 總之環境清潔簡單, 上樓上果段樓梯俾我感覺好似七八十年代D懷舊餐廳Feel!!
下單後兩set八小碟就同步送上枱, 分別有泡菜、芽菜、菠菜、炸菜、豆腐、魚乾、涼拌粉絲及雜菜沙律; 除咗魚乾一致認為太鹹之外, 其他都各有所愛, 而且 “八彩繽紛” 的顔色可以令人食慾大增!! R朋友在此時才到, 唔係佢遲到; 只是今晚異常地每個人都早到, 所以有好多時間分析個菜單。
特烤肉: $450咁貴, 問完D侍應可推斷係燒烤雜錦盤; 有牛肉、雞肉、豬扒、魷魚及蝦。完全唔似一般韓國食店的醃制方法, 一味鹹或濃味而將食物的原味蓋過; 只係唔新鮮的食物才需要咁醃制。所以老土D講句牛有牛味、豬有豬味, 又鮮嫩又有肉汁, 魷魚及蝦又爽又彈牙, 而且絕無肥膩之感; 不過啊M朋友竟然最欣賞係洋蔥, 超爽口。
食到此段都未食完哩餐, J朋友 & M朋友二人已經相約再吃一次!!!石頭飯: 係好 “素” 的感覺, 紅蘿蔔絲、生菜、芽菜; 肉只覺有三四絲薄片, 配上生雞蛋, 再與酸辣醬攪拌。 A朋友要求我拍下攪拌石頭飯前後的樣子, 當然無問題。 個人認為味道一般, 但我以泡菜餸飯, 即時改變意見……美味!! 而且飯焦亦算不錯, L朋友的心頭愛。
薯仔麵: 可能放置了一段時間才吃, 麵有小許腍; 但不至於一pat嘢的感覺。 麵條有點似中國拉麵, 不過係扁身。 原來只是以薯仔條做配料, 而非以薯仔混入麵條; 好彩仲食到薯仔味!人蔘雞湯: 雞不算大隻, 內藏幾片人蔘與小許糯飯; 滾滾的湯泡已將雞骨還骨、肉還肉的分離。 雞肉雖嫩, 但一點都唔覺有人蔘味。 响韓國食過兩次人蔘雞湯, 真係好有雞同人蔘味。
海鮮蔥油餅: 好有吸引力的金黃紅綠燶色的海鮮蔥油餅, 以上海豆沙餅長條型示人。 雖然唔多覺有嘜海鮮食材, 但香口惹味而且無油膩感覺。
炆牛肋骨: 侍應放下碢牛肋骨時, 從表面上看D肉有韌嘅感覺。 接著店員用剪刀將牛肋肉與骨削分, 乾淨俐落!! 一口嚼下, 原來肉質係好腍且彈性還在, 甜醬油滲透肉內; 所以牛肋肉帶點甜味。 蘿蔔只得兩件, 由E朋友同W朋友各得; 只聽到入味……又腍又甜!!
其實一早已聽得出, 所有侍應都唔係正統香港人廣東話口音, 當埋單結帳時; 侍應拿了一張我都睇唔明的帳單…..我相信佢哋全部都係韓國人!!
张贴
