Kings N Cream (已搬遷) 新店位置

買 coupon $10 可以當 $20 用，見佢聲稱＜加入活性益生菌及可溶性纖維，有助控制體重、有益健康 ；乳酪油分比一般少 30%，更低脂 。不計成本，堅持以 Pasteurization (國際認可的消毒方法) 嚴格控制食物衛生＞，嘩！咁正面做生意，試下無妨喎！地點真係偏些，唔易搵，係大廈商場內行左幾轉都搵唔到，完來係大廈既出面。鋪門外有個公仔士兵，成間鋪裝修得好有英國 feel。入到去有個靚仔笑笑口有禮咁問我要咩，重介紹品種比我，我要左個最細價值 $25 既 yogurt，當然要補多 $5。第一啖，嘩！好香濃既 yogurt 味，真係濃濃的，跟出面果Ｄ真的好唔同，我加左一個脆脆既 chocolate top，正呀！以後要食 yogurt 有好選擇啦。重有２張 coupon，下次試試雪糕先。