蚊蚊豬老火鍋

营业中

休息中

今次黎到呢間蚊蚊豬火鍋，真係好有特色呀，唔單止門牌用左木系既裝修，入面都好乾淨企理，一班人黎食真係岩曬，食得夠曬舒適，仲有佢有烤魚+任食打邊爐呢個組合好少見，多數都係雞煲+邊爐既，本人就想食烤魚好耐，因為貪佢比雞煲更加過癮。一上枱，條魚夠曬大條，睇落都覺得啖啖肉，而且又無乜骨，佢放入鍋前，事先半煎炸左條魚，所以食落夠曬香口，再配埋d辣椒，食落非常之惹味，仲有唔少配菜，同埋䓤頭，莞茜，豆豉，帶出左香料既香味。可見個麻辣湯底係真材實料。食完烤魚後，就梗係開始打邊爐喇，叫左碟手切安格斯牛，件件厚度都好夠，食落好有口感，同埋就算煮到過熟都一樣咁嫩口。 除左十幾款配菜外，佢竟然仲有刺身食，刺身食落都幾唔錯，叫左幾舊過下口癮。