肥姐小食店

营业中

休息中

由肥媽年代食到依家肥姐年代，呢間小食店我十多年以來幫襯過無數次，直至最近先記得未影過相，真大意。其實我每次經過好景商場果頭，都總定有令人停下買一串嘅衝動。人氣愈來愈盛嘅肥姐，排返幾分鐘隊係必然嘅事，掃街都要排長龍，只因為兩個字：好味！大墨魚，大生腸同埋雞腎係我到來必食嘅至愛，雖然今夜只餘下大生腸，但亦無損我雅興，就要一串，盛惠十蚊。大生腸比平時常見嘅較粗身，加上醬汁令人流晒口水，食落爽口，亦無異味，加上店子夠乾淨，令多唔太中意掃街嘅朋友都可以重拾信心。如果要數香港最好味嘅街邊鹵水小食，我只有推介肥姐一家，別無他選。