柏妮絲咖啡店 (已結業)

元朗區嘅咖啡店真係唔係太多，好飲嘅真係寥寥可數。如果住喺元朗區又唔想「出城」，就真係唔係太多選擇。今日嚟咗呢間叫做SB square嘅咖啡店，都幾得意，佢係同一間地產鋪連住，而且都係同一個名，可能都係做地產生意嘅老闆想每日都有咖啡飲，所以開咗間咖啡店呢度嘅咖啡種類唔係話好多，不過有「打卡系列」嘅櫻花咖啡，唔係真係有櫻花，但係面頭個拉花會幫你砌一棵櫻花出嚟，都幾靚。但係我都係鍾意原始嘅咖啡，叫咗一杯latte，咖啡同牛奶同奶泡嘅比例都恰當，但係覺得咖啡嘅香味唔夠突出，可能係咖啡豆本身自己嘅味道唔夠香。不過喺元朗區「止渴」，都係足夠嘅。