嘉兵衛

营业中

休息中

幾年前搬入元朗後，一直都覺得呢間主打日式家常料理嘅餐廳係全區嘅三甲之內！直到忽然有一日佢哋宣布休業，有一段時間真係唔知去邊度食同類型嘅日本料理相信好多人都好掛住佢哋足料嘅麵豉湯，終於佢哋最近喺附近重新開業啦！望吓個餐牌，好似比以前更多選擇，而且感覺而家空間再闊落少少，食落嚟好舒服。今日就叫咗一個十勝豬扒丼定食。一如既往有一碗好大嘅麵豉湯，而且仲有三款非常精緻嘅家常小食。當中嗰個南瓜沙律非常之好味，我一向唔好南瓜嘅都覺得完全改觀。主角豬扒丼亦係非常之出色！豬扒好大塊，而且炸得剛剛好唔會好油膩，加上蛋同日本飯呢個配搭，好快就將佢完全食完！非常滿足。以後還會多多幫襯！