樂園 (已搬遷) 新店位置

樂園之夜，三對情侶。食野玩遊戲之外呢度養左幾隻可愛既肥貓貓，不過想同佢地玩要睇下你好唔好彩啦 ！（當日幾隻貓貓都訓死左）餐牌又幾靚。彩虹色既圍邊，真樂園。頭盤： 芝士焗有機大傘菇傘菇好大一粒，芝士帶少少奶油香，焗得岩岩好，菇夠軟。我地再叫左個意粉，d擺盤畫得好趣智，好有心思。本人覺得呢個先係重點。我愛金莎（特濃金莎朱古力雪冰）高如泰山既朱古力，頂峰仲有一粒OREO。完全係甜品控必食之選。（香港人要記得笑）另外想係度過生日既朋友有口福啦，冰山咁大座既雪糕山，有cream有威化餅有士多啤梨，樣樣齊！仲會幫你影埋大合照，即影即有黎架！總括黎講係間唔錯既小店。