影片
更多
2018-04-26
52 浏览
元朗食飯選擇勁多係人都知，而且而家大商場林立，真係花多眼亂。不過今日黎到「凡直有里」依間餐廳，覺得真係可以試下小店西餐，發掘下新野，都會有無限驚喜。首先，餐廳唔算好大，有室外位置，裝修舒服，服務態度好好，星期一簡岩一間餐廳，真係可以令一星期振作起來啊！我先叫左個小麥粟米青瓜沙律配柚子醋伴鮮橙加三文魚（$118），小麥口感較硬，但配上柚子醋同鮮橙嘅味道，好清新，醬汁相對沙律醬light。然後再叫左個是日餐湯（$42），今日係蕃茄湯，濃濃嘅蕃茄味配上2片烘左嘅麵包，好味，而且份量都好多。因為我地得2個人，唔敢叫太多野食，我地直接叫左個炭烤串燒拼盤（$298），好好味啊！整得勁好。有大蝦一隻，一條辣肉腸，一串咖哩五花腩，車哩茄包鵪鶉蛋，票米，帶子，鮮三放魚，雞全翼。最值得一提嘅係帶子，鮮三文魚同個醬汁，帶子同三文魚都唔會燒到過熟，控制得好好，勁juicy，海鮮嘅鮮味完全保留到。而餐廳嘅職員都向我地介紹個醬汁點配搭比較好味，一個似泰國嘅醬汁，酸酸甜甜，點海鮮食，一個近似中式，就辣嘅，點肉食。最後叫埋一杯飲品，埋單$500 左右，服務態度好，食物質素高，一定會再黎。
元朗食飯選擇勁多係人都知，而且而家大商場林立，真係花多眼亂。不過今日黎到「凡直有里」依間餐廳，覺得真係可以試下小店西餐，發掘下新野，都會有無限驚喜。
首先，餐廳唔算好大，有室外位置，裝修舒服，服務態度好好，星期一簡岩一間餐廳，真係可以令一星期振作起來啊！
我先叫左個小麥粟米青瓜沙律配柚子醋伴鮮橙加三文魚（$118），小麥口感較硬，但配上柚子醋同鮮橙嘅味道，好清新，醬汁相對沙律醬light。
然後再叫左個是日餐湯（$42），今日係蕃茄湯，濃濃嘅蕃茄味配上2片烘左嘅麵包，好味，而且份量都好多。
因為我地得2個人，唔敢叫太多野食，我地直接叫左個炭烤串燒拼盤（$298），好好味啊！整得勁好。有大蝦一隻，一條辣肉腸，一串咖哩五花腩，車哩茄包鵪鶉蛋，票米，帶子，鮮三放魚，雞全翼。最值得一提嘅係帶子，鮮三文魚同個醬汁，帶子同三文魚都唔會燒到過熟，控制得好好，勁juicy，海鮮嘅鮮味完全保留到。
而餐廳嘅職員都向我地介紹個醬汁點配搭比較好味，一個似泰國嘅醬汁，酸酸甜甜，點海鮮食，一個近似中式，就辣嘅，點肉食。最後叫埋一杯飲品，埋單$500 左右，服務態度好，食物質素高，一定會再黎。
张贴
