影片
更多
2024-08-20
2573 浏览
大食會約咗去金鐘名酒店度食福建菜，蕃薯Uncle例牌飯前要尋歡，為怕大雨喺室外走黎走去，結果就喺連接著酒店嘅太古廣場搵咗間「井」。面積寬廣開揚嘅餐廳分開茶室及酒館兩個區域。酒鬼當然係坐近酒吧啦！半露出商場嘅散座未必人人啱坐，因為路過嘅人都鍾意望幾望，講真俾咁多人望真係唔係咁自在。此外，部份梳化櫈係冇椅背嘅，飲大咗兩杯絕對有危險，幸好經驗老道嘅長輩攞位時見狀即指明要求全部要坐厚墊絨櫈。兩頁飲品牌簡單易明。歡樂時光設為每日下午三點至八點，限定酒品可享特價優惠。三口子各自點選心頭好，小肥杯意大利氣泡酒係新樽斟出，夠凍又夠氣。商場餐店「井」地方企理衛生，服務生好有效率。指定酒酒嘅歡樂價雖則唔算特別平，但因屬美心集團，埋單可用盡Eatizen儲下嘅分數，仲可以撈埋太古會籍啲積分當錢洗，經理哥哥即使要轉機都完全冇兼煩，嘻嘻，抵細佬加分俾個笑臉佢！
面積寬廣開揚嘅餐廳分開茶室及酒館兩個區域。
酒鬼當然係坐近酒吧啦！
半露出商場嘅散座未必人人啱坐，因為路過嘅人都鍾意望幾望，講真俾咁多人望真係唔係咁自在。此外，部份梳化櫈係冇椅背嘅，飲大咗兩杯絕對有危險，幸好經驗老道嘅長輩攞位時見狀即指明要求全部要坐厚墊絨櫈。
兩頁飲品牌簡單易明。歡樂時光設為每日下午三點至八點，限定酒品可享特價優惠。
三口子各自點選心頭好，小肥杯意大利氣泡酒係新樽斟出，夠凍又夠氣。
Bel Star Prosecco Brut DOC NV ；Johnnie Walker Black Label
$168
687 浏览
1 赞好
0 留言
张贴
