Cafe Je T'aime (已結業)

嚟這間咖啡館係因為我鐘意嘆、舒服同食，有幾本雜誌介紹過，又上open rice 睇過，講乜都好，自己試下先至好。其實如果唔特登搵又真係唔太留意到，因為係喺橫街不過又唔係窄行，確認位置就入去了。一打開門，心想還好仲有位，眼球已不停轉移睇右邊牆上既大畫作，不一會有個哥哥仔主動過嚟問我地幾位同招乎我地坐下，我地就坐喺牆畫下面，對面牆掛左不同大細既相，好靚，入面同出面根本係兩個世界，menu 上都有唔少選擇，居然有brunch set, 不過我地唔想食set而想散叫，當我摸住menu 同時抬頭開始望，哥哥仔即刻過黎，仲好親切問想叫乜野，其實當佢畀menu 我地時已經介紹埋餅櫃，我叫左菠蘿慕絲同龍眼latte，朋友叫左cheese cake同mocha，菠蘿慕絲唔太甜好清新，仲同杯latte好夾，試少少朋友既cheese cake，另一樣味覺享受。我地坐左個半鐘，有人走又有人補上位置，待應不停工作，咖啡館入面播住法文歌，相信都係浪漫既歌，整體感覺唔錯，舒服、享受，不過位同位距離好近，只因地方有限，原來入面仲有張梳化，下次想坐梳化位。