Zakka (已結業)

星期日從充滿住減價週人群嘅銅鑼灣Sogo逃出來，實在極需要搵間cafe坐坐。好在裝修後的這個商場仍保留幾間平價食肆，好讓我哋呢啲平民有地方食嘢飲嘢而唔使花費太多。呢間餐廳係半自助式，點餐係要行去cashier,點完付款然後會有個睇韓劇成日見到提示你出去拎食物會閃會嘈嘅機俾你，然後自己拎餐具。奇在當你返埋位，張檯有貼紙叫你放嗰舊嘢上去，店員會把食物送上？！咁做乜要呢舊會閃會嘈嘅嘢呢？俾個牌我都一樣架喎？！又唔由客人自己拎餐🤔Any肥，嘢食嘢飲送到，另一半點嘅係熱Mocha,點知送嚟嘅係冰嘅，佢向店員表示唔緊要，只要係mocha,係驚飲左人哋杯嘢，個店員都好好呀，話落單係落熱的，唔緊要沖過啦我就叫左杯冰橘子茶仲有呢個單骨雞翼，唔記得咩名😂啲香料幾好味，炸得香口唔乾，個醬係有啲似沙律醬好開胃的。三樣嘢埋單唔使$100👌🏼對小資女來說都化算。