辦館 (雅蘭中心) (已結業)

同朋友去旺角行街，天氣又酷熱，又行到攰曬。想搵個地方食個下午茶餐，歇下腳嘆下冷氣，又可以坐低傾下計 ; 點知去到雅蘭商場，竟然辦館有分店在此。因為之前喺中環試過，印象幾好，所以今次再試下。我朋友唔鍾意食蛋糕，所以今次我哋冇食三十蚊嘅下午茶餐。西班牙黑毛豬火腿芝士多士 : 份量十足，烤得脆脆，芝士溶在多士上，再配鹹香的黑毛豬火腿，特別惹味。沙爹安格斯牛肉多士 : 脆脆的多士上放惹味嘅沙爹牛肉中間配上一隻溫泉蛋，蛋嘅香味同沙爹牛肉混在一起，特別回味。朋友話安格斯牛肉少啲，因為好好味。榛子鮮奶咖啡 : 原來用鮮奶配咖啡，可以咁好味。柚子梳打 : 柚子非常突出，甜甜酸酸，零舍解渴。