影片
更多
2023-02-16
233 浏览
識飲識食嘅大班朋友想聚會，一於拉大隊食自助餐。 揀咗灣仔六國酒店1樓嘅Le Menu， 來一場「華麗盛宴‧自助晚餐 —龍蝦‧花膠‧特級牛扒」！ 唔駛就晒咁多人喜好去點菜，自己想食乜就食乜，食物選擇多！加$128叫埋無限暢飲汽水、果汁、啤酒、紅白酒、氣泡酒添，cheers~~餐廳佈置格調優雅，牆上面掛住昔日酒店房間嘅相片，新裝修佈置又帶一點懷舊氣息。先攞個原盅燉湯—螺頭蟲草花杞子燉豬展，清澈滋潤又暖胃。之後就係凍海鮮同刺身環節，波士頓龍蝦、蟹腳、青口、麵包蟹、鮮蝦、翡翠螺等，最鍾意係龍蝦，肉質爽彈仲有鮮橙紅色嘅膏，鮮甜美味。刺身有六款，八爪魚、榮螺、三文魚、甜蝦、吞拿魚、油甘魚，厚切呀！食肉獸嘅我就鍾意食羊架、特級有骨肉眼扒同片皮鵝，見佢啱啱燒出嚟，熱辣辣。尤其係片皮鵝，有別於一般片皮鴨，肉味更濃，外皮香脆鬆化。廚師即席鐵板燒竟然見到有鴨肝多士，呢排好多地方都停咗呀。超級好食，表皮金黃香脆，入面香軟嫩滑，一人食咗三件。熱盤亦有驚喜，平時我一般只會試少少，今次啱食嘅熱盤特別多：芝士蘑菇焗蟹蓋、海南雞、清蒸星斑、香橙君度酒燴鴨、清酒白麵豉龍蝦鉗、蠔皇燜鴨掌、燴花膠、蠔皇扣鮑魚、鐵板煎威茉大蝦
餐廳佈置格調優雅，牆上面掛住昔日酒店房間嘅相片，新裝修佈置又帶一點懷舊氣息。
先攞個原盅燉湯—螺頭蟲草花杞子燉豬展，清澈滋潤又暖胃。
之後就係凍海鮮同刺身環節，波士頓龍蝦、蟹腳、青口、麵包蟹、鮮蝦、翡翠螺等，最鍾意係龍蝦，肉質爽彈仲有鮮橙紅色嘅膏，鮮甜美味。
刺身有六款，八爪魚、榮螺、三文魚、甜蝦、吞拿魚、油甘魚，厚切呀！
食肉獸嘅我就鍾意食羊架、特級有骨肉眼扒同片皮鵝，見佢啱啱燒出嚟，熱辣辣。尤其係片皮鵝，有別於一般片皮鴨，肉味更濃，外皮香脆鬆化。
廚師即席鐵板燒竟然見到有鴨肝多士，呢排好多地方都停咗呀。超級好食，表皮金黃香脆，入面香軟嫩滑，一人食咗三件。
熱盤亦有驚喜，平時我一般只會試少少，今次啱食嘅熱盤特別多：芝士蘑菇焗蟹蓋、海南雞、清蒸星斑、香橙君度酒燴鴨、清酒白麵豉龍蝦鉗、蠔皇燜鴨掌、燴花膠、蠔皇扣鮑魚、鐵板煎威茉大蝦、白酒百里香煮青口、欖油香草燒比目魚……每款食咗一件，已經超飽。
最後食甜品，甜品櫃有唔少甜品，另外仲有焦糖燉蛋、麵包布甸、士多啤梨拿破崙、生果、葡撻、Häagen-Dazs雪糕等，必食嘅係即製窩夫，鬆脆有蛋香。
张贴
