影片
更多
2016-03-26
9862 浏览
係Openrice見到咖啡亭做緊蠔情龍蝦鵝肝自助餐，首20位登可以$330@，我係龍蝦fans，男朋友係鵝肝蠔fans，復活節晚食buffet都只係$330@，值得試一試！場地都幾細 應該得4-50個位，但都無坐滿，仲有幾枱吉左。擺食物的位置集中於門口，地方都不大。一開始，眾人就去等即開生蠔及其他冷盤海鮮，由於我地唔鍾意同人迫，所以食沙律先！沙律吧都幾多款式，我推介，蟹肉芒果牛油果他他，味道非常夾，好清新，另外男朋友推介蟹子蟹柳蟹肉沙律配蛋黃醬。 之後見少人左就拎生蠔同蟹腳，生蠔係即開，所以排隊就有，生蠔有加拿大生蠔（大隻d但味道清淡），愛爾蘭生蠔（細隻但海水味較重），味道新鮮！男友食左十幾隻！ 至於長腳蟹，頭幾次出去都無晒，因為佢只有好細位置放蟹腳，而每次refill只得10幾隻，每人去搶都拎4-5隻，好快就無晒，餐廳refill得都幾慢，所以去到後期，男朋友才有機會拎到，蟹腳好粗同大腳，啖啖肉，少少海水味，好正，唔怪得之眾人都搶食！推介！ 之後食熟食，款式不算多，但味道不錯！牛油帶子煎得好香，羊架少少羶味但肉很軟，一食再食，炆牛尾好入味而且有骨膠原漿住口既感覺，辣酒住螺好正
場地都幾細 應該得4-50個位，但都無坐滿，仲有幾枱吉左。擺食物的位置集中於門口，地方都不大。
一開始，眾人就去等即開生蠔及其他冷盤海鮮，由於我地唔鍾意同人迫，所以食沙律先！
沙律吧都幾多款式，我推介，蟹肉芒果牛油果他他，味道非常夾，好清新，另外男朋友推介蟹子蟹柳蟹肉沙律配蛋黃醬。
之後見少人左就拎生蠔同蟹腳，生蠔係即開，所以排隊就有，生蠔有加拿大生蠔（大隻d但味道清淡），愛爾蘭生蠔（細隻但海水味較重），味道新鮮！男友食左十幾隻！
至於長腳蟹，頭幾次出去都無晒，因為佢只有好細位置放蟹腳，而每次refill只得10幾隻，每人去搶都拎4-5隻，好快就無晒，餐廳refill得都幾慢，所以去到後期，男朋友才有機會拎到，蟹腳好粗同大腳，啖啖肉，少少海水味，好正，唔怪得之眾人都搶食！推介！
長腳蟹腳
133 浏览
1 赞好
0 留言
湯類有椰子雞湯及羅宋湯(無飲),椰子雞湯得到眾人喜愛，輕輕椰子香味，但無平時雞湯油膩既感覺！之後侍應就為每位送上半份龍蝦及一份鵝肝多士，龍蝦只是冷盤龍蝦，肉質太鞋了，失望，如果有芝士焗龍蝦就更好，相反鵝肝是細塊一點但煎得幾好，入口即溶！
每人送半邊龍蝦&一份鵝肝多士
132 浏览
0 赞好
0 留言
甜品款式都ok，除了蛋糕外，還有朱古力火鍋，即制pancake等，焦糖燉蛋同斑斕慕絲做得不錯
由於我看到餐廳主題是蠔龍蝦及鵝肝，而且餐廳有介紹熱食如鵝肝炒飯，龍蝦伊麵等，但在場除了鵝肝慕絲及即開生蠔之外，就再沒有其他熱食關於這個主題，所以詢問了侍應，侍應很有禮貌指龍蝦不夠貨，所以沒有其他主題熱食，我真的有點失望，不過侍應服務態度好好，還建議送上餐酒(可惜我不愛喝酒，所以拒絕了)!
其間廚師侍應都會主動詢問食品質素，好好的服務態度！希望會繼續作出改善！
$330@其實都算可以！
张贴
