友利冰室 x 勿當奴 (中海日升中心) (已結業)

觀塘開咗間好特別嘅冰室，今日就嚟試吓佢有啲咩特別嘢先😏佢係正正一間黃店，入邊所有嘅嘢食應有盡有，包括超特別嘅乳豬卡邦尼，有嚟自唔同餐廳嘅招牌菜，例如牛肉飯，鮮茄焗豬扒飯，燉湯同埋有唔同種類嘅包等，佢嘅包真係似足勿當奴😂😂個名真係改得唔錯我地就叫左一份🐔豉油無骨雞飯同埋一份🐮吉牛丼配溫泉蛋飯，🐔雞飯份量啱啱好，豉油雞最緊要色澤均勻，雞皮要夠深色先至係基本豉油雞既元素，佢哋係豉油雞之餘仲要冇骨，真係啖啖肉，肉質又夠嫩，雖然唔係雞髀部位嘅肉，但佢其餘位置都做得唔老，又重雞味，真的不錯，另外配左盅椰子桃膠燉雞湯，佢真係幾足料，大大嚿雞肉喺裏面，味道比較清淡，佢仲有兩款湯俾你選擇，揀你自己鍾意嘅款之餘仲可以飲到咁有味道嘅湯，出面唔係度度有㗎👍🏻👍🏻至於🐮吉牛丼配溫泉蛋飯，簡稱牛肉飯，我真係未食過咁多牛肉嘅牛肉飯，佢啲牛肉多到你可以一啖飯一啖肉咁食，牛肉汁又夠多，雖然唔會好似其他咁，牛肉汁另上，但佢肉汁份量都好夠，牛肉嘅肉汁入晒味，博得來有咬口，肥瘦均勻，連佢嘅溫泉蛋都做得好好，熟到啱啱好，都係全液體狀，另外加錢配咗個忌廉蟹肉薯餅，薯餅炸得好均勻，出邊脆裏面軟，蟹肉都夠多，最後野飲就係樽仔奶茶，佢