極尚大瀛喜日本料理

营业中

休息中

一大班朋友， 想食放題， 喺旺角見面就係最佳嘅地點， 我哋一行八人， 就揀咗喺地鐵站最近嘅放題， 大瀛喜。大瀛喜放題價錢尚可， 大食嘅朋友最啱。 上到去五樓， 見到好多人等位， 可見呢間放題深受大家嘅喜愛。 店內裝修好光猛， 不過枱櫈就放得有啲逼。 好彩被安排到去最邊位置， 我哋都坐得舒服。大瀛喜食物款式甚多， 刺身好新鮮， 入口即溶， 值得推介。熟食都有好多款， 其中我哋最鍾意就係蒜蓉 蒸蠔， 叫咗好多打， 蠔好creamy， 另外仲叫咗好多， 有蒸鱔、 乳鴿、羊扒。。。。。。到甜品環節， 朋友仲叫咗榴槤， 佢哋話好香口， 啖啖肉。今餐真係食得好滿足， 食物質素唔錯！