柏景餐廳 (已結業)

同班朋友去到呢到食dinner buffet，一人有一張焗翡翠螺既coupon送。野食方面就如標題所講，種類相當繁多（可惜冇生蠔），而且絕大部份都相當唔錯。海鮮類，蟹腳都幾大隻，夠鮮味，青口亦都好味，起碼夠新鮮啦，凍既辣瀨尿蝦比想像中好食，不過都係熱食好d，蟶子係比較遜色既一樣，未夠新鮮而且淡而無味。熱食方面，好多都好食，其中海南雞值得一試，不過個sauce就好似同平時食開既唔太一樣，另外串燒蝦都幾惹味。贈送既焗翡翠螺就普通左d，唔夠味，我諗就咁烚一烚仲好過。湯方面，中西都有水準，我仲飲左唔少呀，哈哈！地方都幾大，服務就尚可。