陳小館 (已結業)

今日同朋友去尖沙咀行街shopping，行到攰了，剛好經過加連威老道睇到有間食中萊（陳小館）就入去，座位闊落，環境舒服。坐低朋友話不如叫下屋企少煮嘅餸菜食啦～所以就叫咗：金磚豆腐＄48，第一啖食落去好香口，外脆內軟，帶有蒜蓉及小辣味道，很合胃口。豉汁蒸大鱔＄148蒸嘅火候啱啱好，食落去又香又嫩，唔腥冇泥味，調味上面都唔會太鹹。涼瓜鹹菜排骨煲＄98有涼瓜嘅甘苦香味，亦有鹹菜獨有嘅味道，連埋排骨，三樣合埋一齊超級好味，送飯一流，真係有食住家飯感覺。XO醬茄子牛仔骨煲＄128茄子索晒牛仔骨同埋XO醬嘅精華好好食，但牛仔骨就一般般，口感硬咗少少。