影片
更多
2018-11-11
56 浏览
好耐無去過葵廣掃街，原來已經唔同晒，多左好多新鋪！食到咁上下想搵啲甜品食吓，見到呢間布丁燒好似幾特別、又好新淨，門口好多人企住食緊，同朋友就膽粗粗試吓先一見到個餐牌就覺得呢度好有heart，係親手畫㗎，好靚呀！味道都出奇地多選擇，有啲味係出面無食過嘅添新鮮出爐賣相好吸引！見佢每款都賣到七七八八咁，我即刻揀咗搶手既朱古力味（忘憂唂布丁燒），朋友就揀左椰青味（椰爺布丁燒）。因為堂食，店員幫我地將佢反轉放喺碟仔上。忘憂唂布丁燒（朱古力）用匙羮一𠝹落去，感覺到佢唔係好鬆散既質地；一食落口，首先食到涼浸浸既布丁，再夾離住微暖又鬆軟既餅底，味道都算濃，最開心係佢唔係好甜果種，味道剛剛好，感覺真係好幸福椰爺布丁燒（椰青）朋友叫了這款，我偷食左一啖，哈哈呢個椰青味道非常特別，我以為佢會有椰奶椰汁味，點知真係好清甜既椰青水味道！一樣唔會係死甜，好推介忍唔住影埋佢鋪後面呢塊壁畫仔，實在非賞欣賞佢地咁有心機今日已經食得太飽，下次一定再戰佢其他口味！豆腐同伯爵茶我已經mark實左！
一見到個餐牌就覺得呢度好有heart，係親手畫㗎，好靚呀！味道都出奇地多選擇，有啲味係出面無食過嘅添
新鮮出爐賣相好吸引！
見佢每款都賣到七七八八咁，我即刻揀咗搶手既朱古力味（忘憂唂布丁燒），朋友就揀左椰青味（椰爺布丁燒）。
因為堂食，店員幫我地將佢反轉放喺碟仔上。
忘憂唂布丁燒（朱古力）
用匙羮一𠝹落去，感覺到佢唔係好鬆散既質地；一食落口，首先食到涼浸浸既布丁，再夾離住微暖又鬆軟既餅底，味道都算濃，最開心係佢唔係好甜果種，味道剛剛好，感覺真係好幸福
椰爺布丁燒（椰青）
朋友叫了這款，我偷食左一啖，哈哈呢個椰青味道非常特別，我以為佢會有椰奶椰汁味，點知真係好清甜既椰青水味道！一樣唔會係死甜，好推介
忍唔住影埋佢鋪後面呢塊壁畫仔，實在非賞欣賞佢地咁有心機今日已經食得太飽，下次一定再戰佢其他口味！豆腐同伯爵茶我已經mark實左！
张贴
