影片
更多
2023-06-23
107 浏览
有邊個同我一樣，食完飯最鍾意嗌糖水，而糖水一定要嗌啲煙煙韌韌口感架呢？呢一間位於屋村裏面嘅糖水舖，款式都幾多樣化！✨紫米豆乳豆乳味道好香好滑，紫米份量頗多。一枝飲完都幾飽！✨芋圓4號一碗都幾足料：豆腐花為底，襯上仙草、芋泥、花奶同芋圓，絕對可以二人分享(⁎⁍̴̛ᴗ⁍̴̛⁎)仙草好滑，帶點甘草嘅味道；豆花亦好嫩；芋圓夠口感，粉感不重。✨雜果西米小丸子另一款糖水選擇咗截然不同嘅味道，雜果粒粒嘅清清甜甜，夾上小丸子嘅軟糯煙靭，西米嘅冰冰爽爽，整體口感相當豐富。而且紅色火龍果嘅顏色，亦都渲染咗整碗糖水，非常夢幻。💡 小店嘅價錢都幾親民，而且用料大方，可以一試📍沙田沙角街6號博康邨街市地下50號舖
✨紫米豆乳
豆乳味道好香好滑，紫米份量頗多。一枝飲完都幾飽！
✨芋圓4號
一碗都幾足料：豆腐花為底，襯上仙草、芋泥、花奶同芋圓，絕對可以二人分享(⁎⁍̴̛ᴗ⁍̴̛⁎)仙草好滑，帶點甘草嘅味道；豆花亦好嫩；芋圓夠口感，粉感不重。
✨雜果西米小丸子
另一款糖水選擇咗截然不同嘅味道，雜果粒粒嘅清清甜甜，夾上小丸子嘅軟糯煙靭，西米嘅冰冰爽爽，整體口感相當豐富。而且紅色火龍果嘅顏色，亦都渲染咗整碗糖水，非常夢幻。
💡 小店嘅價錢都幾親民，而且用料大方，可以一試
📍沙田沙角街6號博康邨街市地下50號舖
张贴
