芝加哥串燒酒場 (太和中心)

今日收工去到太和中心食串燒，飲下啤酒，chill下放鬆吓。呢間舖頭係食串燒加啤酒為主，舖頭仲有一個大電視係播住一啲足球比賽，啱晒鍾意睇波嘅人士。串燒嘅款式佢都有好多，今次暫時未叫得晒🤓我哋叫到成枱都係，仲飲咗兩杯啤酒，價錢都唔算好貴。📌Kirin 啤酒 $72今次叫咗呢款啤酒嘅兩種口味，包括係蜜瓜味同埋西瓜味。兩種水果味係啤酒裏面都好出，幾啱女仔飲💓📌燒茄子 $35今晚我覺得做得最出色嘅係燒茄子，佢嘅調味好足，另外佢哋都加上青蔥。值得一讚係佢啲茄子好多肉🥳📌醬燒鮮白鱔 $58另外一款我比較鍾意食嘅係燒白鱔，塊魚皮燒得好脆，啲肉都好彈牙🥳📌雞翼包飯 $38我平時係一個飯桶，呢度竟然有雞翼包飯，好意外💓呢個個味道係蜜汁雞，所以一定係好味。📌芝士黑松露大啡菇 $45佢嘅大啡菇燒到好Juice，好多肉汁。再加上芝士同埋黑松露，味道好夾💓總括來講佢呢度嘅食物質素都唔錯，重點係環境舒服，好有氣氛，而且坐得唔會迫💓其實當晚仲叫咗好多嘢食，例如芝士條、扇貝、燒帶子、雞肉京蔥串、炸雞皮等等🤣🤣總之呢度真係好多款😂😂 要搵日再食過