紅葉茶屋 (D2 Place TWO)

紅葉茶屋喺D2嘅分店好大間，啲卡位數量又多，坐得好舒適～呢晚同朋友一人嗌左一個主食，再加小食同甜品，份量好足，超級豐富嘅一餐😚

和牛肉壽喜燒定食，和牛質素好好，牛味濃，壽喜汁調味恰恰好，唔會過甜過咸，而且賣相又靚，亦有提供埋溫泉蛋，撈日本米食一流呀！

豪華吉列滑蛋丼（豬扒＆廣島蠔），兩款炸物都好大舊。由其個豬扒好厚，真係抵到爆！！炸皮非常脆薄香口兼少油。

炸南瓜餅，同樣都係高質炸物，個南瓜仲要好香甜tim

熱抹茶拿鐵、冰雜莓＆香橙紅茶

鎌倉紅葉茶屋抹茶白玉、黑蜜原味蕨餅&抹茶蕨餅，咁靚嘅甜品點可以唔嗌呢，白玉同蕨餅都係煙煙韌韌非常好食😋白玉仲可以淨食/將抺茶倒落去食，又另一番風味😍

2