古早味台灣原味 (已結業)

去銅鑼灣覓食，好耐無食過台灣野於是今次黎左古早味台灣原味食野。大概七點左右到，成個餐廳都已經坐左大概八成人，環境坐落都幾舒服。食物方面有好多唔同選擇，我地考慮左一陣，最後叫左古早味牛肉麵、肉燥飯、酥炸鹽酥雞同炸雞扒。等左一陣已經上左肉燥飯，一碗份量都幾多，亦都有好多肉碎係面，仲有配幾舊黃瓜。肉味好香好濃，d飯亦軟硬適中，味道啱啱好唔會話好鹹。之後上左牛肉麵，有三大舊牛肉係面，牛肉厚幾夠味。麵係闊身刀削麵個種，煙煙韌韌好有口感，配埋湯底好夾。個湯底夠味唔會好濃，忍唔住飲左好多淡湯，個人黎講主食中意牛肉麵多d🙈鹽酥雞同炸雞扒外貌炸到金黃色好吸引，兩個都係即叫即炸熱辣辣。自己鍾意炸雞扒多d，外皮香脆入面既肉都幾嫩，份量亦都唔少。呢餐兩個人食叫左兩個主菜兩個小食已經非常之飽，美中不足係無試到佢既野飲，下次有機會再黎食先再試埋台式珍珠奶茶！