川味辣蟹·串燒·烤魚·雞煲·專門店 (已結業)

門面睇落唔大，主要係地下一層，落到去就覺得幾寬落一啲都唔侷促，仲見到有幾間房，可以遲下疫情好轉成班朋友一齊聚聚。服務好好，非常貼心。而食物選擇有好多，兩大頁揀，價錢唔貴。今日兩人叫一個雞煲同四款串燒食，平均每人$150。招牌川味香辣雞煲 (半隻) $168望落唔大，但食落就覺得份量唔少，食完已經飽飽地。呢個雞煲同其他有少少唔同，其他係乾身，呢個係湯煲住，但煲完啲雞肉仲係好滑，仲吸收左湯，好香既辣味，但食落唔會好辣。燒韭菜 $15好好味，食落唔乾仲好爽口，面上孜然粉同烤汁帶有甜甜地既味道。燒特色孜然羊肉 $28孜然配羊肉是完美配搭，相當惹味，羊肉無乜膻味，無燒到乾爭爭。燒豬頸肉 $26一咬好Juice好香口，但一啲肥膩感都無，豬頸肉有少少彈牙口感。招牌金銀蒜燒原條茄子 $40呢個食串燒必點既一款，濃濃蒜香，大量蒜蓉炸蒜係茄子面到，底同邊都好有味道，茄子啲肉夠鬆，好易就夾到。