影片
更多
2014-10-06
10475 浏览
之前已經聽朋友講這間韓式BBQ任食d野好得，食物仲好多款式，而且環境乾淨，所以今晚特意來排隊。3張擺食物的長枱對正門口，我試下憑記憶寫番有d乜食品，第一張枱有2款雪糕丶大約6-8款泡菜及醃菜丶韓式魚仔丶醃青瓜丶粟米粒丶蕃茄仔丶菠蘿粒丶提子乾丶2款沙律醬丶涼粉丶蕃薯糖水丶紅豆沙丶啫喱丶生菜。第二張有3款例湯丶韓式煎薄餅丶薯條丶煎餃丶炸三文魚丶豆沙鍋餅丶多春魚丶雞翼丶小煎堆丶小年糕丶豆腐花丶白飯丶炒飯丶灼蝦/炒蜆丶炒菜心丶豬腳薑丶炒豬頸肉丶楜椒豬肚湯。第三張枱係各款生肉(睇相片)丶豆漿丶酸梅汁丶sushi及三文魚。今次生肉我試左牛肉丶牛仔骨丶牛舌片丶豬扒丶魚柳丶芝士腸丶雞肉腸丶醃左味的冬菇，其實豬丶牛丶雞肉都有好多唔同味醃制，d肉唔會醃得太咸，牛肉丶牛仔骨醃得真係好好味，全晚不停encore，牛舌片就麻麻地，豬扒都醃得好味，魚柳好厚肉，不過好易痴底，芝士腸丶雞肉腸和醃冬落都好正。泡菜和醃菜我覺得除了雲耳，其他都好一般，韓式魚仔好好味。三文魚新鮮。值得一讚係豬腳薑和豆腐花好好味。雪糕都好正，不過得2款味就少選擇。煎餃丶煎薄餅丶多春魚放番向爐上面燒熱食係好好食。炒飯丶灼蝦都好味，炒蜆就一般。D
3張擺食物的長枱對正門口，我試下憑記憶寫番有d乜食品，第一張枱有2款雪糕丶大約6-8款泡菜及醃菜丶韓式魚仔丶醃青瓜丶粟米粒丶蕃茄仔丶菠蘿粒丶提子乾丶2款沙律醬丶涼粉丶蕃薯糖水丶紅豆沙丶啫喱丶生菜。第二張有3款例湯丶韓式煎薄餅丶薯條丶煎餃丶炸三文魚丶豆沙鍋餅丶多春魚丶雞翼丶小煎堆丶小年糕丶豆腐花丶白飯丶炒飯丶灼蝦/炒蜆丶炒菜心丶豬腳薑丶炒豬頸肉丶楜椒豬肚湯。第三張枱係各款生肉(睇相片)丶豆漿丶酸梅汁丶sushi及三文魚。
今次生肉我試左牛肉丶牛仔骨丶牛舌片丶豬扒丶魚柳丶芝士腸丶雞肉腸丶醃左味的冬菇，其實豬丶牛丶雞肉都有好多唔同味醃制，d肉唔會醃得太咸，牛肉丶牛仔骨醃得真係好好味，全晚不停encore，牛舌片就麻麻地，豬扒都醃得好味，魚柳好厚肉，不過好易痴底，芝士腸丶雞肉腸和醃冬落都好正。
泡菜和醃菜我覺得除了雲耳，其他都好一般，韓式魚仔好好味。
三文魚新鮮。
值得一讚係豬腳薑和豆腐花好好味。雪糕都好正，不過得2款味就少選擇。
煎餃丶煎薄餅丶多春魚放番向爐上面燒熱食係好好食。炒飯丶灼蝦都好味，炒蜆就一般。
D野食refill得好快，而且侍應都好樂意換鐵板。
整體來講，好食又抵，岩大班人來。
张贴
