火山燒 (已結業)

荃灣廣場隔離既大壩街 出名好多唔同款式既野食 今次我同朋友就試呢間新既火山燒🙆🏻‍♀️呢間餐廳有好多唔同種類既菜式 但我好快已經比隔離枱既石板燒吸引咗 所以點左200G金標和牛肩胛肉眼配珍珠飯😆朋友就想試下蛋包飯 點左蘑菇燒汁芝士宮崎叉燒蛋包飯😆我地兩個都加左套餐 套餐有餐湯 野飲 串燒同沙律2選1 好豐富！呢度既份量剛剛好 唔怕唔夠食 亦唔會前菜份量太多👍我好中意佢既蘑菇湯 材料足 非常濃味 重食到一粒粒碎磨菇 好有口感☺️嘢飲我揀咗茉莉花茶海鹽奶蓋 奶蓋十分出色 咸咸地 奶味又好重 配埋清新既茉莉花茶 就唔怕膩😎朋友要左杯彩虹棉花糖特濃朱古力 果然冇改錯名 朱古力味好香濃 溝埋啲cream都唔怕太甜！主食方面 石板牛會跟配一碗飯 餐廳亦好細心準備圍裙 避免有油濺到件衫👍肉眼既肉質結實 唔會太肥 牛肉味好重 食完唔怕太膩👍朋友既蛋包飯都好味道 蛋唔會煮得過熟 重好滑👍叉燒係日式拉麵上面既叉燒 煮得好淋 好入味👍