K Chef Story

今日喺外賣平台見到呢一間有做優惠，就一於試吓佢！佢呢度專門賣韓式食物，而我今日就選擇外賣自取。佢嘅飯卷種類好多，我就試咗芝士味蔬菜飯卷。入面有好香嘅芝士同埋好新鮮嘅蔬菜，口感好豐富。另外當然唔少得叫炸雞啦！今日就試咗黑蒜味，黑蒜好特別，佢一打開已經有好香嘅香味。雖然係外賣，但係返到屋企食嘅時候佢一樣係外脆內軟，入面仲好Juicy 㗎 ！最後仲叫咗個牛肉炒粉絲，佢嘅份量好多，佢嘅粉絲好煙靭，再加上其他嘅蔬菜，口感亦都好豐富。