和氣食堂 (黃大仙中心南館)

营业中

休息中

比較少來黃大仙區，原來黃大仙中心都有唔少餐廳美食，心大心細，最後揀咗呢間日式餐廳食晚飯。本menu厚得誇張，揭咗好耐都未揭完，可想而知食物選擇係幾咁多。有選擇困難症嘅我，當然係即刻上openrice睇睇有咩人氣推介唐掦日本池魚仔好好食嘅炸魚仔，味道剛好唔太咸，又唔會炸到好乾，而且份量好多，我哋個個都話好似食極都仲有，應該起碼有廿條，推介！唐揚雞軟骨呢個都ok，唔太油，點沙律醬更正。北海道薯條係甜甜嘅薯條，好新奇，好好食，會不自覺地一條接一條咁食。黑松露香芒甜蝦卷好特別嘅一款卷物。芒果同甜蝦都係清新配搭，再加上黑松露醬，味道更添豐富，又唔會太搶，幾夾幾好食白咖哩烏冬呢個屋企人大讚好食表面一層雪白色嘅忌廉好靚，撈一撈，咖哩嘅顏色岀返黎。個咖哩好香，微辣，烏冬好爽口，真心正仲配埋兩件炸雞鎚🍗食得過總體食物質素非常唔錯款式多又有創意，價錢合理，一定會再幫襯！