影片
更多
2016-07-15
1354 浏览
蒸氣火鍋開得如雨彼春荀,但的確蒸氣火鍋是頗健康的食法,不多油又方便。這天約了朋友食飯,其實未有心水食什麼呢?經過這街口的水上人,看見它裝修得幾有格調,於是就Walk in入去試下吧。。我和朋友被安排於近門的位置,店子是清雅的風格,但又不失華麗,令人感覺就算坐得耐也不會煩躁。看看野食最重要，有3種價錢套餐以供選擇,而散叫都有不少款式,可見是花過心思,不是HEA客人的。想了又想後,我們決定食A餐,那份量足夠兩人食到飽了雖然醬料要收錢,但真係有好多款俾你簡,仲有榨菜同菜蒲粒,一陣加落粥度食一定一流呀~~店員首先會整個豬骨粥先,唔使落水,只係將一陣蒸海鮮的水令個粥不停蒸煮,可以吸收左海鮮的鮮味。唔知蒸幾耐唔緊要,因為貼心的店員會幫你較時間,完全唔使自己出手。第一碟食的是胭脂蚌,那醉人的玖紅大細適中,咬落去是爽口的蚌肉還包含有海水的鹹味,令人精神一振,原汁原味。第2是貴妃蚌和花蛤皇,貴妃蚌味清淡,食落去有點椰子的甜味,花蛤皇都很爽口,店員見到有1隻不新鮮馬上換1個給我們。我最喜歡是這個象拔蚌,超好食!!唔會腥,超彈牙,如果可以食多隻就好~~!波士頓龍蝦,白雪而晶瑩的蝦肉真係好吸引,唔多膏都無問題
蒸氣火鍋開得如雨彼春荀,但的確蒸氣火鍋是頗健康的食法,不多油又方便。這天約了朋友食飯,其實未有心水食什麼呢?經過這街口的水上人,看見它裝修得幾有格調,於是就Walk in入去試下吧。。
我和朋友被安排於近門的位置,店子是清雅的風格,但又不失華麗,令人感覺就算坐得耐也不會煩躁。看看野食最重要，有3種價錢套餐以供選擇,而散叫都有不少款式,可見是花過心思,不是HEA客人的。
想了又想後,我們決定食A餐,那份量足夠兩人食到飽了
雖然醬料要收錢,但真係有好多款俾你簡,仲有榨菜同菜蒲粒,一陣加落粥度食一定一流呀~~
店員首先會整個豬骨粥先,唔使落水,只係將一陣蒸海鮮的水令個粥不停蒸煮,可以吸收左海鮮的鮮味。
唔知蒸幾耐唔緊要,因為貼心的店員會幫你較時間,完全唔使自己出手。第一碟食的是胭脂蚌,那醉人的玖紅大細適中,咬落去是爽口的蚌肉還包含有海水的鹹味,令人精神一振,原汁原味。
第2是貴妃蚌和花蛤皇,貴妃蚌味清淡,食落去有點椰子的甜味,花蛤皇都很爽口,店員見到有1隻不新鮮馬上換1個給我們。
我最喜歡是這個象拔蚌,超好食!!唔會腥,超彈牙,如果可以食多隻就好~~!
波士頓龍蝦,白雪而晶瑩的蝦肉真係好吸引,唔多膏都無問題,肉質爽而清甜,雖然個蝦箝好堅固,但拆到好大塊肉出來,唔好浪費。好開心識得拆晒D肉出來,YEAH!~
奄仔蟹,估唔到咁多膏,好香甜,肉唔多,但我都留低打算加埋D粥一齊食。佢提供拆蟹工具,各位放心。
怪味豚肉,肉質似豬頸肉爽身,但肉上的怪味醬就唔太識形容,唔係唔好食,又唔係黑松露的味道,我諗喜歡濃味的人會喜歡食吧。
梅菜蒸菜心,估唔到蒸出來的菜心十分清甜,無青腥味,好嫩,加左梅菜仲可以吊下味。
粥終於食得,雖然有8成飽飽,但粥不可不食,因為好綿滑同有米香,份量是每人食兩碗,食完就真係超級滿足了。
門口有好多水族箱,保證新鮮的海鮮,可以即叫即撈上來俾客人品嘗。
埋單仆每人差不多要是$500,但以味道,服務同環境來說是合理的,下次約多些朋友齊齊食,又可以試多幾款了,而且仲唔怕太肥
张贴
