The Boathouse (已結業)

難得黎到赤柱就當然要食埋個晚飯先走架啦,咁最好就當然係搵一間又望到海景而且又係食海鮮既餐廳啦,其實係赤柱大街都有好多間餐廳,但呢間外型最突出,所以就揀左呢間啦,侍應安排左我地上樓上坐,咁就可以睇得更清楚個海,我地叫左一個海鮮拼盤,仲有香煎帶子伴番茄及香草牛油同埋虎蝦意粉伴小茴香及蘆筍配忌廉汁,個海鮮拼盤一黎到都幾震撼架,上面都真係有多款海鮮,有阿拉斯加蟹腳、海蝦、香草小龍蝦、黑青口、海蜆同大帶子,咁啲海鮮都好食既,而個帶子煎得好嫩,而且仲有好濃牛油味,真係好食到唔夠喉呀,而個意粉都係普普通通。雖然食物比較普通,但呢間餐廳個景咁靚,凈係食個景都夠啦。