NINETYs (星光行) (已結業)

係尖沙咀做完野，同同事去左誠品書店睇下書溜連一下，發現裡面有間cafe係度,於是同同事一於入去飲杯野先，店員帶著我地往裡面走，裡面一排都係半落地玻璃窗，可以望到漂亮既維港景色，加上黃昏日落既餘暉襯托之下，非常迷人。我和同事即刻把握機會打卡留念，餐廳氣氛寧靜、舒服，晚餐食物選擇雖然唔算多，但勝在可根據自己的喜好而選擇組合，我同同事今次選擇食和牛漢堡+飲品，cafe 採用電話掃描形式落單，簡單方便。食物陸續上枱，朋友飲熱朱古力，杯面有層朱古力奶泡，放了些朱古力碎，半溶狀態好似些文字一樣，幾特別，飲落朱古力味濃郁。和牛漢堡上場，套餐中有蜜糖Yoga同黑松露薯蓉，感覺都好豐富，薯蓉既黑松露好香，雖然望落灰灰黑黑唔靚仔，但口感順滑、特別。朋友點餐時選擇原味薯蓉，對比之下味道比較淡但奶香味比較重。和牛漢堡裡有6塊厚切牛肉，嫩紅的啡粉紅色，下面加上一片羽衣甘藍、紅洋蔥和醬汁，需要用刀慢慢地細味。我點左杯Fruit Romance, 係用橙汁混合杏桃汁而成。食完同朋友係度閒聊趣事，渡過了個愉快的晚上。