Gram Cafe & Pancakes (已結業)

Weekend又去試新嘅pancake店—銅鑼灣嘅Gram首先嗌左個朱古力石板街pancake。個賣相好得！但食落冇想像中咁驚喜，唔重朱古力味，比個吉士蓋晒d味，個pancake比較似海綿蛋糕feel。另外order左3點出爐嘅梳乎厘pancake，每日得11點、3點、6點出爐，令人有滿心期待嘅感覺，不過都係gimmick野我覺得。食落口感比其他同區嘅pancake店失色左啲，可以再軟淋淋啲，pancake本身嘅蛋味亦較淡，而且得原味一款揀。雖然味道唔夠同區同樣出名嘅pancake店完美，但Gram應該係其中店舖環境最大嘅，條人龍係最短嘅(我地兩點左右去係唔洗排隊tim!)。有時口痕想食pancake又唔想排長龍，咁呢間作為次選pancake店相信都唔錯。