緣屋 札幌元祖蝦湯拉麵 (K Plus) (已結業)

呢日同朋友喺元朗附近搵嘢食，朋友介紹咗呢間拉麵店，佢推薦辣味噌拉麵，我就試一試佢！我嗌咗中辣，一上枱，見到佢個湯紅噹噹，我以為好辣，但食落係接受到，鍾意食辣嘅朋友一定要試下！湯底杰杰啲，超級掛湯，食落去係超級惹味！但係唔會過鹹🤤刺激得黎係好好食！叉燒都夠大塊同厚，配埋溏心蛋真係好正！🥹湯入面仲有唔少叉燒粒，幾滿足！我鍾意麵底粗啲，唔好太稔，而佢嘅拉麵真係做到爽口彈牙又唔會過硬！真係好唔錯！會繼續encore！