順日本料理 (已結業)

上牛舌關注組一定睇到順日本料理 我之前都食過幾次 佢啲牛舌又真係幾吸引😍 牛舌超級厚身 又燒得好香 次次都食到捧住個肚走 仲係三十年老字號添～厚燒牛舌便當 $180 （晚餐）招牌菜·厚切牛舌 牛舌嘅厚度有成1.5-2cm 好似成塊牛排咁🥰 一咬落去 牛舌嘅肉汁就爆出嚟 好juicy! 牛舌肉質冧身 唔會靭 加上燒到外邊帶少少焦～ 餐廳以最簡單調味 黑椒鹽 已經好足夠🫶🏻另外有一朵煙三文魚富士山🗻 三文魚夠肥美～ 便當配嘅係冷蕎麥麵 夏天一定啱 蕎麥麵撈汁夠晒凍同較濃味嘅牛舌一齊就平衡晒😆 個便當最後仲有大大球雪糕 我揀咗豆腐味 幾香～燒銀鱈魚定食 $170 （晚餐）定食有沙律、麵豉湯、白飯同主角銀鱈魚🐟 由青瓜，蕃茄，粟米同生菜配搭嘅日式沙律🥗 另外有加左紅蘿蔔、白蘿蔔同冬菇嘅足料麵豉湯 味道好鮮甜唔會好鹹 我次次都會飲曬～燒好後銀鱈魚表面金黃 肉質軟淋順口 淋上醬汁後加左片檸檬 令醬油底嘅味道加左新鮮嘅味 甜甜的 而且啖啖肉😝清酒煮蜆 $145今次dinner time嚟專登叫 可以慢慢同frd share😝 清酒味香濃 個蜆湯飲落都幾甜 蒜香味亦都重～ 啲蜆好大隻厚肉 入曬味 好味