西門町台灣麵食 (已結業)

星期日hea左係屋企成日，梗係要搵番D好野食，做好準備，係openrice揀左一間叫"老點"嘅點心先落旺角，順便兆萬中心買野，點知又落雨，結果轉去左間之前食過又幾好味，又就腳既西門町.係google map搵左好耐，行極都行唔啱，個情況同上次一樣， 終於都比我搵到。唔洗等位，打開menu見到張好靚既拼盤相，無留意個名，點知黎到點解唔同左？唔係有燒肉或乳豬咩？再拎番個menu睇，原來係鹵水拼盤，中間果個係牛肚....咁似燒肉 ，攪錯晒 食左一件大腸，唔.......未洗乾淨，結果全碟既大腸都無食到，其他都OK～係門口已經見到呢碟，蝦仁玉籣中卷，記得上次食過都好食，但唔記得味道了，今次再試多次，感覺依然，有D似日本嘅卷物，再加上“哇沙B”汁，更加似。住左係台灣三年嘅我，個人覺得台灣餸菜都偏向清淡，沒有香港咁濃，而呢間嘅魯肉飯都係適合番香港人口味，但比濃更濃，我朋友覺得係台南食果次好淡，呢次又咸左少少，但係我覺得都OK。叫左杯芝麻薑母暖下個胃，都算幾香，但係因為凍左少少，芝麻味少左D。