金葵苑越南餐廳 (已結業)

好似每個月都會搵過藉口同阿爸阿媽食下飯。今日又去返呢度開餐，貪佢近近地。唔係好肚餓，所以三個人都只係叫左好少野。菠蘿炒飯：明明上次同上上次都用菠蘿上，今日變左碟頭飯。個賣相無咁靚，但都算幾足料，有d 提子乾，食落甜甜地又酸酸地，幾開胃。咖喱牛腩煲(送蒜蓉包)：咖喱汁幾香又唔辣，蘸埋個蒜蓉包，正!!椒鹽軟殼蟹：幾香口，不過真係好油。都好大件架，我阿爸話佢係"疑似"軟殼蟹，因為軟殼蟹應該唔會咁大隻。總括來講，用街坊心情食街坊餐廳，都算唔錯。