鶴亀 (已結業)

今日工作忙到冇停手，兩點鐘先食到午餐，咁岩路過見到呢間拉麵店，裝潢幾有特色，就入去試試。之前夜晚經過見到冇乜人，估唔到午市好熱鬧，座無虛席。我嗌左普通豚肉沾麵，明明嗌左少麵，但麵量都係好多。沾麵可選冷麵，暖麵，我當然係選冷麵啦，但到我手既時候，麵係微暖既，但口感都尚算彈牙。而沾汁質地較稀身，濃淡得宜，但就欠缺特色，味道平平無奇。另外朋友嗌左個三文魚沾麵，三文魚好肥美，估唔到份量咁多，但可惜三文魚偏乾，都係一般般。