紅葉茶屋 (D2 Place TWO)

放假嚟荔枝角 D2 Place 行吓文青嘢，Lunch Time梗係要搵間舒服又高質嘅嘢食！呢間 紅葉茶屋 裝修好有京都茶屋 feel，啱晒打卡！📷

佢哋嘅定食真係抵食又豐富！首先推介壽司（8件）配迷你櫻花蝦烏冬，壽司新鮮度唔錯，最驚喜係個烏冬，湯底清甜，櫻花蝦香氣撲鼻，暖胃又滿足！

🍣 另一個必點係 牛肉壽喜燒定食，牛肉片份量足，壽喜燒汁甜鹹度恰到好處，用嚟撈飯一流！仲有配埋鰹魚昆布湯，鮮甜又解膩。🤤

鍾意食得清啲嘅可以試吓 角切刺身茶漬飯，將新鮮嘅角切刺身同飯，慢慢淋上茶湯，魚生鮮甜，茶漬飯熱騰騰暖胃，係另類嘅日式清爽食法！

✨ 飲品方面，冰柚子茶 酸甜清香，冰芒果&西柚紅茶 就充滿熱帶風情，超解渴！🍹