明日花居酒屋 (已結業)

又到年頭多假期的日子，係同朋友聚會嘅好時間，搵咗旺角一間新開的日式居酒屋，方便大家聚腳，主打食魚生飯，刺身，燒物，一於過嚟試吓入到去餐廳裝修環境非常有日本風味，以櫻花做主題，非常適合女仔嚟打卡，環境氣氛一流✨螢光魷魚🦑$68螢光魷魚好少日本餐廳可以食到，個螢光魷魚超級鮮味，醃漬後仲帶點鹹香味，魷魚質感好爽脆✨厚燒牛舌芯$68串燒做得好出色，師傅火候控制得非常好，燒得好香口，而且充滿肉汁，一串有兩塊，牛舌非常厚切，爽口彈牙，一啲根都無✨蒲燒鰻魚飯$138一上菜十分驚訝，條鰻魚有兩隻手板咁長，而且非常厚肉，啖啖肉，鰻魚表面加上大量日式鰻魚汁，但仍然食得出鰻魚本身嘅鮮味，同油脂感十足，絕對係必點✨三文魚籽海膽帶子吞拿魚蓉飯$168刺身包括海膽，三文魚籽、帶子、香蔥吞拿魚蓉、蟹柳，帶子好厚肉鮮甜，海膽濃稠感十足，入口充滿鮮味，勁甜，三文魚籽好飽滿，仲要淡淡海水味，其他魚生全部好新鮮，個份量同埋味道都一流✨青森蘋果汁🍹套餐加$10就有杯蘋果汁🍹，十分解膩，蘋果汁唔會太甜，果香味突出