影片
更多
2017-05-27
138 浏览
養生殿-依間火鍋店主打台式養生嘅火鍋，採用好多香料同藥材去熬製湯底，今次湯底order 左 麻辣鍋同美人鍋嘅鴛鴦鍋。-麻辣鍋-雖然揀左大辣，但辣度同出面嘅小辣差唔多，湯底飲落好有層次，香料味道好出，後勁帶點麻辣嘅味道，湯底加左鴨血倍增湯嘅鮮味，而凍豆腐仲吸哂d湯汁，咬開嘅時間噴哂d汁出黎😖。麻辣鍋仲有得免費追加鴨血一份添，好抵食！-美人鍋-用左烏雞、杞子等等去熬製，飲落質感有d膠質，味道係清甜嘅鮮雞湯味，帶點淡淡嘅杞子同棗嘅甜味，飲落好清，感覺好補身。-櫻桃鮮滑鴨片-賣相好吸引，將鴨肉切成薄片，而鴨肉嘅顏色好粉嫩，真係好似櫻桃咁，食落鴨肉肉質好嫩口，鴨嘅味道好濃，但好容易接受，食厭左牛肉嘅話，不妨試下！-關朝麵（$28）-台灣嘅qq 麵，煮一煮就食得，好吸湯汁，口感qq彈牙，非常好食，但千其唔好煮大耐，大概煮1分鐘就食得！-其他配料仲好食又抵食！
-
依間火鍋店主打台式養生嘅火鍋，採用好多香料同藥材去熬製湯底，今次湯底order 左 麻辣鍋同美人鍋嘅鴛鴦鍋。
-
麻辣鍋
-
雖然揀左大辣，但辣度同出面嘅小辣差唔多，湯底飲落好有層次，香料味道好出，後勁帶點麻辣嘅味道，湯底加左鴨血倍增湯嘅鮮味，而凍豆腐
仲吸哂d湯汁，咬開嘅時間噴哂d汁出黎😖。
麻辣鍋仲有得免費追加鴨血一份添，好抵食！
-
美人鍋
-
用左烏雞、杞子等等去熬製，飲落質感有d膠質，味道係清甜嘅鮮雞湯味，帶點淡淡嘅杞子同棗嘅甜味，飲落好清，感覺好補身。
-
櫻桃鮮滑鴨片
-
賣相好吸引，將鴨肉切成薄片，而鴨肉嘅顏色好粉嫩，真係好似櫻桃咁，食落鴨肉肉質好嫩口，鴨嘅味道好濃，但好容易接受，食厭左牛肉嘅話，不妨試下！
-
關朝麵（$28）
-
台灣嘅qq 麵，煮一煮就食得，好吸湯汁，口感qq彈牙，非常好食，但千其唔好煮大耐，大概煮1分鐘就食得！
-
其他配料仲好食又抵食！
张贴
