巴壽司日本料理 (已結業)

不知是否因為附近有間英語教會，巴壽司入面特別多非華裔人士。外表似一間茶餐廳嘅佢，餐牌只係A4紙入clear holder，裡面都有幾塊黑板寫住是日/廚師推介，魚生、壽司、烏冬、定食，乜都有，價錢都比較平民化。雖然主廚唔係日本人，無日本空運水產嘅質數，有啲用料本地化，味道亦有自家風格，不過佢都做得到日本菜嘅神緒。炸吉列豬扒蛋飯 ($57) - 賣相就肯定唔及高級日本餐廳，但味道同份量都OK，飯嘅軟硬適中，有少少蛋少少菜，塊豬扒都唔算好細，又唔會食都滿口油膩，$57好OK架嘞。燒鯖魚定食 ($70) - 聽聞鯖魚嘅魚油好健康而揀嘅定食，有兩片橙，麵豉湯有自家味道，今日嘅中華沙律比較大條比較硬，飯嘅軟硬適中，不過男士可能唔夠，配菜平實中有少少味，燒鯖魚嘅皮有少少脆，魚肉唔算太韌太乾，$70我滿意架嘞。