Flames (海灣街)

营业中

休息中

限聚加上夜晚沒有堂食，便相約個女四點零食個豐富嘅下午茶令兼晚餐，今日去咗鰂魚涌食西餐，餐廳內雖然沒有座位，只可以喺外邊橫街搭咗幾個帳篷，擺放了一些長枱同欖，但很舒適寫意。因為諗住一餐當兩餐食所以叫了好幾樣食物，脆香炸雞、蒜香蝦球、10安士肉眼扒配薯條、香煎魚柳香草檸檬忌廉汁配疏菜，極之豐富炸雞連雞皮一齊炸，香脆到極，本人覺得不需要點任何醬料同食已經好好味另一款小食蒜香蝦球，一上枱已蒜香撲鼻，食落大蝦爽彈鮮甜好味主食叫了一份十安士五成熟的牛扒，切開內裏粉紅色，入口牛味濃軟腍有肉汁超好味，薯條份量超多，配上十安士的牛肉，一個女仔真係食唔曬另一份係煎魚柳，醬汁好特別好香，魚柳煎得外脆內軟，配特製醬汁好夾，而伴菜青黃瓜爽脆又清甜，配魚柳同食令味道和口感層次提升不少。總括呢餐雖然身處橫街巷仔，但搭了帳篷恍身處一些洒吧街，絕對食得輕鬆寫意！