大將 (已結業)

呢間入到黎就覺得好舒服，環境明亮，位又闊落又好坐。叫左SRF和牛，同試下巨塔芫茜火山湯，點埋個大蟹捧。個湯黎到嗰陣，聞到芫茜味真係好勁😝😝😝鍾意食芫茜既應該會覺得好掂👍跟住聽到聲，原來係個送餐機械人😍😍個機械人專送盤裝食物👏👏個人覺得好得意，男人見到，應該會叫多幾次牛🤣🤣🤣大蟹捧真係好大條😱😱😱長過我手掌，呢32蚊真係抵👍👍其他配菜同醬汁就自己出去拎，配菜款式都唔少，比起我上次去嗰間沙田日式火鍋店，真係多唔止一倍。而且仲有關東煮，煮到入哂味，呢樣真係加哂分。最正既係，佢地有日本雞蛋無限量供應😍😍😍😍啲牛質素唔錯，夠新鮮，顏色幾靚，芫茜湯配和牛真係幾正，點埋雞蛋汁黎食，又滑又爽。我一個人咁就清左4盤😋😋另外有樣係我覺得好正既，就係佢地飲品竟然有玻璃樽可樂😱😱😱其他都只係汽水機或罐裝，佢地竟然有枝裝，仲要係玻璃樽款。你話咁樣邊飮邊食，夫復何求呢😋😋😋食完正餐食甜品，呢度有得自己整窩夫，好簡單，有埋沙漏比你計時，唔錯👍👍個窩夫可以加糖槳或雪糕，我就加糖槳食，食落又唔會太甜喎。成餐真係冇野不滿，冇野可以投訴，又好食又滿足，飽到上心口。唔係講笑，呢間真係掂👍👍下次一定再黎！！！