燧記廚房 (荔安大廈) (已結業)

西營盤附近開咗一間幾有噱頭的餐廳，主打全機械人製作，亦係香港唯一一間機械人餐廳。有煮食、清潔等等，都係以機械人一手包辦。今日就入去試一試。店嘅選擇雖然唔多，但係每一款都好吸引。因為我係食辣之人，所以每一款都好想試吓。店員落單之後你仲可以坐喺用餐區，一邊欣賞機械人的烹煮。不過今次時間唔多，所以只係叫咗外賣返去慢慢品嚐。唔好睇小佢係外賣，份量都幾大份。黑椒牛柳套餐牛肉入咗洋蔥同埋青椒爆炒，牛肉幾大件，而且炒埋一齊好惹味！送飯一流。老干媽蒸排骨呢個蒸排骨有驚喜，可能新鮮熱辣蒸，就算拎到返去食都係熱辣辣。排骨都幾有肉地，加上老干媽辣醬的麻辣，不會搶哂鏡！攸県香乾炒肉最鍾意嘅豆乾吸收晒辣椒的香味，而且豆干和肉切得薄薄地，好易入口！午餐仲送埋嘢飲！都係50幾蚊到60蚊！原來外賣仲有九折，下次都不妨試吓其他四川風嘅小菜。