稻埕飯店 (K11購物藝術館) (已結業)

約咗朋友去尖沙咀行街，食個午餐先同佢會合，一出K11地鐵站出口，就見到呢間餐廳，俾佢嘅poster吸引咗，見又唔使等位，入去試吓先。餐廳幾先進，用QR code落單，仲可以提供免費Wi-Fi，我一個人點咗個「鮑魚撈麵套餐$118」，飲熱咖啡。嗰兩個鮑魚好吸睛，爽口彈牙，味道唔錯，但係個糖心蛋同碗紫菜湯就好鹹。好彩有杯都幾香濃幼滑嘅咖啡飲吓。嘢食今次就覺得好一般。但係當我見到個機械人送餐，原來我係成人都會好開心。間餐廳都幾大，坐得都幾舒服。