世窗冰室 (已結業)

又到開學時，少不了為好友送機，臨上機點都食返味特色野，返到去又要對住pizza漢堡。Check in完行去T2覓食，見樓上餐廳潦潦幾人，得間冰室滿座，唯有相信群眾的品味啦。機場食飯預貴啲，下午茶餐的價格亦不算過份。其他不太吸引，兩個人都要咗鼓椒牛河。上碟時唔覺大份，仲驚唔够食，其實係我太貪心，最後都係食唔曬。牛肉原來是滑牛，我平時就傾向於原汁原味未經處理的牛肉，滑雞/牛從來不點，所以肉都給好友了。不過鼓椒汁够味，足以令我汁撈河黎食。衡量一間茶記，奶茶是重要指標。熱奶茶够香够滑，即使無落糖，亦不會覺得澀喉。