影片
更多
2020-10-12
81 浏览
避風塘炒辣蟹代表水上人嘅飲食文化，構成香港歷史文化嘅一個重要部分。以前食炒辣蟹真係喺避風塘食，隨住時代推演，漁民一個一個搬晒上岸生活。換言之，要食炒辣蟹亦要上返岸。銅鑼灣一帶比較多同類型店舖，問起店員，呢間達順辣蟹原來係橋底辣蟹嘅分店，講起橋底辣蟹，當然最出名就係食避風塘炒辣蟹。不過今次只係同朋友兩人嚟到，我地諗完一輪，覺得兩個人未必食到咁多嘢，見到餐牌有其他特色小菜，決定今晚試一試佢地嘅中式菜。我地首先試咗呢個麻辣手撕雞(半隻)。雖然成日話自己屋企好容易整到，但係要撈得惹味都唔係容易，呢碟手撕雞夠晒香、夠晒辣。當係開胃前菜食又得，份量之多亦足以當成一個小菜去食。酸菜魚：酸菜魚我最睇重個湯底調味，其次睇魚片肉質。今次呢個湯底幾啱我口味，唔敢話去到最好味，不過以香港嘅水準已經相當唔錯，價錢亦相當抵食，唔洗一百蚊已經大大兜，魚片有好多塊，個碗仲有好多薯粉，無得去中國食辣嘢嘅朋友都可以嚟呢到過住口癮先！椒鹽鮮魷：呢味簡直係大排檔必點菜式之一，係出街食先會食到咁香口。屋企得三、四丁友，懶得花心機去搞一大輪炸魷魚。呢碟椒鹽鮮魷整得有大排檔水準，魷魚夠乾身，最緊要唔好太水、太淋，呢碟魷魚應該喺落鑊
我地首先試咗呢個麻辣手撕雞(半隻)。雖然成日話自己屋企好容易整到，但係要撈得惹味都唔係容易，呢碟手撕雞夠晒香、夠晒辣。當係開胃前菜食又得，份量之多亦足以當成一個小菜去食。
酸菜魚：酸菜魚我最睇重個湯底調味，其次睇魚片肉質。今次呢個湯底幾啱我口味，唔敢話去到最好味，不過以香港嘅水準已經相當唔錯，價錢亦相當抵食，唔洗一百蚊已經大大兜，魚片有好多塊，個碗仲有好多薯粉，無得去中國食辣嘢嘅朋友都可以嚟呢到過住口癮先！
椒鹽鮮魷：呢味簡直係大排檔必點菜式之一，係出街食先會食到咁香口。屋企得三、四丁友，懶得花心機去搞一大輪炸魷魚。呢碟椒鹽鮮魷整得有大排檔水準，魷魚夠乾身，最緊要唔好太水、太淋，呢碟魷魚應該喺落鑊炸之前有出過水。另外，炸粉唔會上得太厚，食落口幾爽脆！
金銀蛋白菜仔：出街雖然鍾意食香口嘢，不過始終都要食返啲菜去中和下。我偏好金銀蛋莧菜，呢到雖然無莧菜，食白菜仔亦可。
出街食飯咁開心，梗係整枝藍妹啤啤佢！
食完仲有碗糖水送！
整體嚟講，呢到啲小菜出品都好有水準，比起一般大排檔有過之而無不及。
张贴
