別忘了

营业中

休息中

一踏進「別忘了」任飲任食台式火鍋，眼睛即刻被店內嘅粉嫩櫻花樹吸引！店內好似一座夢幻花園，兩棵大啲嘅人工櫻花樹佔據中間位置，粉紅色花瓣同暖黃燈光互相輝映，營造咗一個浪漫又溫馨嘅用餐氣氛。湯底有超過10款選擇，最後我們揀選了$308 澳洲M7牛胸腹套餐，而湯底揀了鴛鴦鍋，椰皇雙子鍋用新鮮椰皇水，香甜得來帶點椰香，而戀戀蕃茄鍋濃郁酸甜，用來淖牛肋肉蕃茄味浸入去令牛肉更入味。椰皇水配精選牛板腱同M7大米龍，肉質軟嫩得令人驚喜，牛肉沾上日本蘭王蛋，蛋黃的蛋香令到牛肉更加嫩滑鮮味，茶美豚肥瘦均衡唔膩口。最驚喜蔬菜吸收了椰皇湯底，鮮甜味爆哂燈，熱食區域有各式各樣美食，地瓜球甜中帶糯，炸番薯條鮮甜香口，炸魚皮卜卜脆，沾上湯底滋味又可口。而任選小吃都好多選擇，阿嬤金錢肚滷得非常入味，又嫩滑，台南府城蝦捲彈牙得來，又鮮美。麻辣鴨血微辣過癮。飲品都超過10多款選擇，四季春清新開胃，水果茶酸甜解膩，呢個地方環境靚、食物讚，適合同朋友一嚟享受！