影片
更多
2022-02-26
1436 浏览
據上次去過麵尊之後，都對佢嘅車仔麵念念不忘，佢個湯底/豬大腸真心回味，而今次去到呢間車仔麵店係近期嘅熱門，亦都成為我嘅新寵🤣。 何車車仔麵位於太子界限街，但後來界限街店只做外賣，堂食要行去大南街店，千其唔好去錯。麵店老闆以前係designer，擁有經營了十年嘅男裝店。有次有緣同朋友吹水，兩位都想從事飲食業，一拍即合，共同創立此店。 餐廳裝修呈文青木系風，又好高樓底，簡潔明亮，告別傳統車仔麵店舊式裝修，但店內只有四/五張枱。據社交平台講話，「何車」/hoche與「合尺」同音，餐廳希望每碗麵都合符你嘅心意，因此佢嘅食物選擇都有D特別。 大家留意到，餐牌除咗有大腸/肥牛等基本野外，仲有豬頸肉，日式嘅牛舌/叉燒/温泉蛋/丼飯等。麵底有多款馳名撈麵，仲有關東煮菜底。小食都好特別，有吉列蠔/炸雞/餃子雞翼等。 當日諗住叫咗正餐先，再睇吓叫唔叫多款小食，但都費事啦，隔離枱遲過我入黎嘅已經有得食。最後我吹咗佢地兩次，等了45分鐘後先有嘢食上枱。 蒜油蝦籽撈麵$15(3餸)合共$56 因為等咗九個字，已經想盡快食嘢醫肚，所以相片就冇詳細影，但其實賣相就冇特別嘅，價錢都算係接受範圍內。 話明蝦籽撈麵，面頭
何車車仔麵位於太子界限街，但後來界限街店只做外賣，堂食要行去大南街店，千其唔好去錯。麵店老闆以前係designer，擁有經營了十年嘅男裝店。有次有緣同朋友吹水，兩位都想從事飲食業，一拍即合，共同創立此店。
餐廳裝修呈文青木系風，又好高樓底，簡潔明亮，告別傳統車仔麵店舊式裝修，但店內只有四/五張枱。據社交平台講話，「何車」/hoche與「合尺」同音，餐廳希望每碗麵都合符你嘅心意，因此佢嘅食物選擇都有D特別。
大家留意到，餐牌除咗有大腸/肥牛等基本野外，仲有豬頸肉，日式嘅牛舌/叉燒/温泉蛋/丼飯等。麵底有多款馳名撈麵，仲有關東煮菜底。小食都好特別，有吉列蠔/炸雞/餃子雞翼等。
當日諗住叫咗正餐先，再睇吓叫唔叫多款小食，但都費事啦，隔離枱遲過我入黎嘅已經有得食。最後我吹咗佢地兩次，等了45分鐘後先有嘢食上枱。
蒜油蝦籽撈麵$15(3餸[下文詳列])合共$56
三餸車仔麵
26 浏览
0 赞好
0 留言
因為等咗九個字，已經想盡快食嘢醫肚，所以相片就冇詳細影，但其實賣相就冇特別嘅，價錢都算係接受範圍內。
蒜油蝦籽撈幼麵
$15
32 浏览
0 赞好
0 留言
話明蝦籽撈麵，面頭已經有爆多嘅蝦籽。麵條油潤光滑，但碗底唔會有層多餘嘅油。聞落充滿著蒜頭撲鼻而至嘅辛香，食落又充滿蝦嘅鮮味與明顯嘅甘香，又有來自醬油嘅自然甜味。幼麵乾脆利落，有咬口，加埋蒜油係一個特別嘅體驗，如果麵條更熱就好D。
牛舌$15
牛舌
$15
35 浏览
0 赞好
0 留言
有5/6片，同樣佈滿蝦籽，明顯有燒過嘅焦香。餐廳選用了芯位，口感更為爽滑，非常之彈牙，肉味極為濃厚，以車仔麵黎講，係高質之作。
豬頸肉$15
豬頸肉
$15
27 浏览
0 赞好
0 留言
豬頸肉唔算大片，餐廳片得好似係順紋理(本身係逆紋理)但都無所謂啦。佢同樣烤得好，口感爽彈誘人，內裏脂香感爆多，咁呢樣都係佢本身嘅精髓。
糖心蘿蔔$11
糖心蘿蔔
$11
13 浏览
0 赞好
0 留言
糖心蘿蔔當然入面係冇糖架啦，煮得剛好，軟化不軟爛，味道清甜蜜美，唔會淡茂茂。期待試埋佢個多藥材湯底同其他野，真心高質，但真心係等咗好耐。
张贴
